Прафілактыка зімовага траўматызму з’яўляецца неад’емнай часткай клопату аб уласным здароўі і бяспецы. Зіма — час павышанага траўматызму. Самыя частыя прычыны траўм у зімовы перыяд гэта галалёд, ранні наступ цемры, слізкі абутак, абутак на шпільцы. Асноўны спосаб прафілактыкі траўмаў зімой — гэта абачлівасць і асцярожнасць пры перамяшчэнні па тратуарах і дарожках, пешаходных пераходах, асабліва пры наяўнасці снежных намецяў і галалёду. Важна правільна, адпаведна пагодным умовам, падбіраць адзенне і абутак.
У галалёд, па магчымасці, лепш застацца дома, а калі неабходна выйсці на вуліцу, то надзець максімальна зручны абутак на плоскай падэшве, пазбягаць спешкі, абыходзіць небяспечныя ўчасткі. Пры выхадзе з грамадскага транспарту або спуску па лесвіцы абавязкова трымацца за парэнчы або папрасіць прахожых аб дапамозе.
Каб знізіць рызыку падзення пры галалёдзе, неабходна выконваць наступныя правілы:
- насіць абутак на плоскай падэшве або на нізкім квадратным абцасе;
- можна прымацаваць да падэшвы абутку палоску наждачнай паперы, лепш падыдзе абутак з рыфленай падэшвай;
- у галалёд хадзіць трэба па-асабліваму - як бы крыху слізгаючы, нібы на маленькіх лыжах, наступаць на ўсю падэшву;
- уважліва глядзець пад ногі (у спешцы можна не заўважыць нават адкрытага лёду);
- ісці як мага павольней;
- дзяўчатам на час галалёду не варта хадзіць на высокіх, тонкіх абцасах;
Калі адчуваеце, што страцілі раўнавагу, паспрабуйце ўпасці з найменшымі стратамі:
- пры падзенні трэба згрупавацца - сціснуцца ў «камячок». Па магчымасці паспрабаваць прысесці - паменшыцца вышыня падзення;
- у момант падзення неабходна напружыць мышцы, уцягнуць галаву ў плечы, локці прыціснуць да бакоў, а ногі крыху сагнуць і павярнуцца ўбок;
- у галалёд хадзіць трэба па-асабліваму - як бы крыху слізгаючы, нібы на маленькіх лыжах, наступаць на ўсю падэшву;
- нельга прызямляцца на выцягнутыя рукі.
Увага і асцярожнасць з’яўляюцца асноўнымі сродкамі прафілактыкі траўматызму. Выходзячы на вуліцу, трэба ацэньваць кожны свой крок. Памятайце, абачлівасць і асцярожнасць — гэта лепшая прафілактыка траўмаў. Папярэдзіць траўму значна прасцей, чым забяспечыць аднаўленне свайго здароўя.
На базе дзяржаўнай установы «Гомельскі гарадскі цэнтр гігіены і эпідэміялогіі» 13 снежня 2024 года з 09.00 да 11.00 па тэлефоне 25-49-06 будзе арганізавана «прамая» тэлефонная лінія ўрача па медыцынскай прафілактыцы Анастасіі Сцепаньковай.
Швайла Вольга Мікалаеўна
памочнік урача-гігіеніста
аддзела грамадскага здароўя
дзяржаўнай установы «Гомельскі
гарадскі цэнтр гігіены і эпідэміялогіі»
аддзела грамадскага здароўя
дзяржаўнай установы «Гомельскі
гарадскі цэнтр гігіены і эпідэміялогіі»
